castellano english

1 2 3 4 5 6 7 8 9
Bilatu
  Hasiera :: Leartiker :: Berriak

Leartikerrek idatzitako 9 artikulu zientifiko nazioarteko aldizkari ospetsutan

2018/11/26

Leartiker ZTBES-eko (Zientzia, Teknologia eta Berrikuntzaren Euskal Sarea) kidea da. Leartikerren eginkizuna, Polimeroen Teknologian eta Elikagaien Teknologian ezagutzaren transferentzia egokia egitea da, inguruko enpresak lehiakorrago izan daitezen.

Horretarako ezinbestekoa da ezagutza sortzea eta jakintza eta teknologia enpresetara zabaldu eta transferitzea. Ezagutzaren sorrera bultzatzeko, doktoretza tesiak eta barne proiektuak burutzen ditu Leartikerrek. Lan hori ezagutzera emateko, azken urteotan nazioarteko aldizkari ospetsuetan publikazioak argitaratu ditu Leartikerrek.

2015eko uztailean Leartiker Koop Elkartea sortu zenetik, 9 artikulu argitaratu dira nazioarteko aldizkarietan. Horietako 3 Q1 mailan sailkatutako aldizkarietan eta beste 6 Q2 mailakoetan. Aldizkari batek Q1 maila izateak adierazten du gai horretan dauden aldizkari guztietatik lehenengo %25en artean dagoela, eta erreferentziazkoa dela. Q2- maila, aldiz, lehenengo %25tik %50era bitartean kokaturiko aldizkariek osatzen dute.

Artikulu zientifikoez gain, ikerketa lanak kongresuetara bideratzen dira bertan hainbat ikerlarirekin iritziak alderatzeko. Bidalitako lanak onartuak izateko komite zientifikoak oniritzia eman behar du. Leartikerren sorreratik 26 lan aurkeztu dira hainbat kongresu ezberdinetan.

2015. urtean Leartikerrek Materialen Zientzia eta Teknologiaren 3. kongresua antolatu zuen eta 100 ikerlari baino gehiago etorri ziren Markina-Xemeinera. Aurten CEIT eta Nafarroako Unibertsitatearen artean antolatu da 4.edizioa Donostian. Bertan, komite zientifiko iraunkor bat osatzea erabaki da. Komite zientifiko hau orain arte kongresuaren antolatzaile izan diren erakundeez gain (CEIT, Mondragon Unibertsitatea, Polymat eta Leartiker), beste bi enpresek ere parte hartuko dute.

Artikuluak ikusteko esteka: https://goo.gl/UPocSG








Leartiker Elikagaien Teknologia

Elikagaien Teknologia Eraikina

tfnoa: +34 946169167
emaila: eat@leartiker.com

Xemein Etorbidea, 19
48270 Markina-Xemein (Bizkaia)

Leartiker Polymer R&D

Lea Artibai Berrikuntza gunea

tfnoa: +34 946169089
emaila: polymers@leartiker.com

Xemein Etorbidea, 12A
48270 Markina-Xemein (Bizkaia)

web-mapa| pribatutasuna| RSS