castellano english

1 2 3 4 5 6 7 8 9
Bilatu
  Hasiera :: Leartiker :: Berriak

Herrialde ahuletan malnutrizioa ekiditzeko EKONUT proiektuan parte hartu du Leartikerrek

2019/01/30

Leartikerrek EKONEK enpresarekin elkarlanean, Eusko Jaurlaritzak diruz lagundutako EKONUT proiektuan parte hartu du; garapen-bidean dauden biztanleria urriko herrialdeentzat anoa nutrizionalak garatzeko janari-azpiproduktuen birbalorazioan, hain zuzen ere.

Bi erakundeek, janari-azpiproduktuetatik abiatuz, nutrizionalki egokitutako formulak garatu dituzte herrialde ahulenetan malnutrizioa ekiditzeko irtenbide nutrizionalak eskaintzeko asmoz.

Horretarako, alde batetik, garapen-bidean dauden herrialdeetan nutrizio arazoak dituzten biztanleriaren ikerketa sakon bat egin dute nutrizio beharrizan zehatzak ezagutzeko. Eta bestetik, mota honetako produktuak (RUTF; Ready to use terapeutic food, y RUSF; Ready to use suplementary food) erosten dituzten entitate eta erakundeek exijitzen dituzten betebeharrak ere aztertu dira.

Betebehar horrek kontutan hartuta, janari-azpiproduktu ezberdinetan oinarritutako hiru RUTF produktu diseinatu, formulatu eta garatu dira:

- Makailo-hezurrarekin sortutako RUTF

- MDM oilaskoarekin sortutako RUTF (MDM = mekanikoki berreskuratutako edo banatutako okela)

- Tilapiarekin sortutako RUTF (jatorri afrikarreko arraina)

Produktu hauei esker garapen-bidean dauden herrialde ezberdinek beraien baliabideetara egokitutako nutrizio-formulak sortzeko aukera izango dute, baliabide bakoitzaren soberakinak edo azpiproduktuak balioztatu eta RUTF/RUSF elikagai bihurtuz.

 








Leartiker Elikagaien Teknologia

Elikagaien Teknologia Eraikina

tfnoa: +34 946169167
emaila: eat@leartiker.com

Xemein Etorbidea, 19
48270 Markina-Xemein (Bizkaia)

Leartiker Polymer R&D

Lea Artibai Berrikuntza gunea

tfnoa: +34 946169089
emaila: polymers@leartiker.com

Xemein Etorbidea, 12A
48270 Markina-Xemein (Bizkaia)

web-mapa| pribatutasuna| RSS