castellano english

1 2 3 4 5 6 7 8 9
Bilatu
  Hasiera :: Leartiker :: Berriak

Izozki paleta artisauen ekoizpenean trebatu da Leartiker

2020/05/25

Azken urteotan gero eta sarriago aurkitu daitezke era artisauan ekoitzitako izozki polo edo paletak, inguruko herri eta hirietako salmenta puntu ezberdinetan. Izozki-denda artisauetan erosi daitezke, baita herrietako puntu estrategikoetan kokaturiko food-truck edo bitrinetan ere.

Hori dela eta, inguruko esneki-ekoizle ezberdinek ere produktu berritzaile hori garatzeko interesa azaldu diote Leartikerri, beraien produktu eskaintza dibertsifikatzeko asmoz.

Leartikerrek urteak daramatza esnekigintzan aholkularitza teknologikoa eskaintzen, baita izozkigintza artisauan ere. Horrela, aipatutako izozki mota horien ekoizpenean trebatu eta salto kualitatibo hori emateko helburuarekin, Andrea Stortinik, izozkigintza artisauan aditua den teknikari italiarrak, prestakuntza espezializatua eskaini die Leartikerreko Esneki Sektoreko kideei.

Trebakuntza-saioek 4 eguneko iraupena izan dute, eta bertan honako edukiak landu dira: paleta artisau mota ezberdinen ekoizpenean eta salmentan beharrezkoa den ekipamendu eta tresneria; formulazio metodologiak; eta ekoizpen prozesuan jarraitu beharreko etapa eta parametroak.

Horrela, epe motzera, sektorean ezagutza berri horren transferentzia burutzea espero da.

 

 

 








Leartiker Elikagaien Teknologia

Elikagaien Teknologia Eraikina

tfnoa: +34 946169167
emaila: eat@leartiker.com

Xemein Etorbidea, 19
48270 Markina-Xemein (Bizkaia)

Leartiker Polymer R&D

Lea Artibai Berrikuntza gunea

tfnoa: +34 946169089
emaila: polymers@leartiker.com

Xemein Etorbidea, 12A
48270 Markina-Xemein (Bizkaia)

web-mapa| pribatutasuna| RSS