Polimeroen arloa
Lea-Artibai Ikastetxeak polimeroen arloan egiten ari den ikerketa-jarduera, hain zuzen ere, Polimeroen Injenieritzako Unibertsitate-ikasketen hurrengo urratsa da, eta, bertan baliabide materialek, tailerrek, laborategiek eta langileek bat egiten dute gune berean; hala, plastikoen, kautxuen eta konposatuen arloko ikerketa aplikatuko proiektuak eta doktoretza-programak elkarrekin gauzatzen dira.
Industriarekiko hurbiltasuna da Lea-Artibai Ikastetxeko ikerketa-jarduera horren ezaugarri nagusia: gaur egungo nahiz etorkizuneko beharrizanak egokiro hautematean datza ikerketa-jardueraren epe luzeko arrakasta; izan ere, helburu horiek erdietsiz gero, plastikoen eta kautxuen sektoreko enpresen lehiakortasuna hobetuko dituzten emaitzak lortuko baitira.
Lea-Artibai Ikastetxea Zientzia, Teknologia eta Berrikuntzen Euskal Sareko kidea da eta SARETEKen integratuta dago, Berrikuntzako Bitarteko Erakunde moduan.
Gurekin kontaktuan jartzeko, egizu klik hemen.
Lea-artibai ikastetxeko I+G+B eginkizuna
Material polimeroen arloan ezagutza aplikatua sustatzea da eginkizuna, ezagutza hori gero enpresetara eramanda, haien garapen teknologikoa eta lehiakortasuna bizitzeko. Era berean, balio erantsiko produktu berriak sortzeko eta hobetzeko, negozio-ildo berriak irekitzeko eta ionarri teknologikoko enpresa berriak eratzeko laguntza eskaintzen da.
Lea-artibai ikastetxeko I+G+ren ibilbidea
Eskualdeko enpresek plastikoaren eta kautxuen arloetan dituzten beharrizanetaz jabetuta sortu da Lea-Artibai Ikastetxeko Ikerketa-jardueraren ibilbidea.
- 1996: Polimeroen Injenieritzako unibertsitate-jarduna abiarazi zen (Polimeroen Injenieritzako 4. ikasturteko ikasleen lehen promozioa 2000. urtean izan zen, eta, horri esker, zientziako nahiz teknikako gai garrantzitsuak jorratzen dira gaur egun).
- 2001: Azaro Fundazioa sortu, eta Zientzia, Teknologia eta Berrikuntzaren Euskal Sareko kide egin zen, Saiakuntzako Laborategi moduan.
- 2003: Lehenengo bi doktoretza-tesiak abiatu ziren.
- 2005: Lea-Artibai Ikastetxea Zientzia, Teknologia eta Berrikuntzaren Euskal Sareko kide egin zen, Berrikuntzako Bitarteko Erakunde moduan.
Lan-eremuak
polimeroen arloa >
Tel 946169002 · Fax 946169160 · Email info@leartik.com