Patxa-ren iraultza Euskal Herrian: hondakinak berrikuntzan eraldatzen

Euskal Herrian, sagardoaren tradizioa zutabe kultural eta ekonomikoa da eta honen inguruko industria eraldatuko duen ekimen berritzaile bat sortzen ari da. Urtero, 11,000 tona sagar inguru erabiltzen dira Euskal Sagardoa ekoizteko. Hala ere, prentsatze-prozesuan kantitate horren heren bat hondakin gisa baztertzen da, azpiproduktu bat sortuz, “patxa” izenekoa.

Leartiker zentro teknologikoa buru duen eta Eusko Jaurlaritzak finantzatzen duen PATXAFERM proiektuak azpiproduktu horri bigarren bizitza bat ematea du helburu. Azukre hartzigarri eta polifenol ugari ditu patxak, eta hartzidura-prozesuetarako lehengai ezin hobea da. Egonkortze eta hartzidura mistoko tratamendu gidatuen bidez, proiektuak alkoholik gabeko edo alkohol-graduazio baxuko (NoLo) edari berritzaileak garatu nahi ditu.

Hondakinen berrerabilera

Elikagaien hondakinak berrerabiltzea 2030 Agendaren Garapen Jasangarrirako Helburuekin bat datorren estrategia izateaz gain, elikagaien industrian gero eta gehiago eskatzen diren irtenbide jasangarriei ere erantzuten die. Patxak, ur eta konposatu organiko asko dituenez, behar bezala kudeatzen ez bada ingurumenerako erronka nabarmena bihurtu dezake. PATXAFERM proiektuak erronka hori beregain hartzen du metodo eraginkor eta jasangarriak ikertuz  eta garatuz, patxa egonkortzeko eta ondoren hartzitzeko.

Edari hartzitu bat

Emaitza edari hartzitu bat garatzea da. Sagardo tradizionalari alternatiba osasungarri eta zaporetsua emateaz gain, ekonomia zirkularrari eta bertako produktuen balorizazioari ere laguntzen diona. Proiektu hau urrats garrantzitsua da elikadura jasangarritasuna sustatzeko bidean, ingurumenarekiko errespetuan oinarritutako etorkizun nutritiboagoa lortzeko, zientziak eta gastronomiak bat egin dezaketela erakutsiz.

BERRIKER 2023 programaren babesarekin, PATXAFERM Euskadi 2030 Zientzia, Teknologia eta Berrikuntza Planaren barruan kokatzen da, eskualdeko lehiakortasuna eta giza garapen jasangarria sustatuz. Proiektu honetan tradizioa eta berrikuntza uztartzea, hondakinak baliabide baliotsu bihurtzeko ikerketak eta berrikuntzak duten ahalmenaren lekuko da, komunitateari zein ingurumenari mesede egiten diona, gainera.