Transferentzia teknologikoa, laborategitik pazientera

2024-02-12

Leartiker zentro teknologikoaren oinarri eta helburu garrantzitsuenetako bat transferentzia teknologikoa da eta aktiboki lan egiten du esparru horretan. Ezagutza sortzen duten zentroen eta erabiltzaile publiko eta pribatuen arteko lankidetza-prozesu bat da, I+G+b jardueraren emaitza zientifikoak enpresa-ehunari lagunduko dioten produktu eta zerbitzu berri bihurtzeko aukera ematen duena.

Testuinguru horretan, jabetza industrialaren garrantzia azpimarratu behar da. Jabetza intelektualaren kudeaketa funtsezko prozesu bat bihurtu da Leartikerren baitan. Ikerketa-proiektuetan sortutako ezagutza balorizatzeko asmoz, I+G+b kudeatzeko prozesuetan patenteak eta sekretu industriala bezalako erraminten aldeko apustua egin da. Zentro teknologikoak Jabetza Industrialeko aktibo ugari ditu, bai Elikagaien Teknologian, bai Polimeroen Teknologian.

Osasuna espezializazioko Gailu Medikoen ikerketa-ildoaren barruan, Leartikerrek sei gailu mediko garatzea eta patentatzea lortu du azken urteotan, eta horiekin lanean ari da gaur egun.

Garatutako gailuetako lau, medikuntza birsortzailearen esparrukoak dira:

• Mintz zelularizatuak hazteko gailua (biorreaktore estatikoa)
  Health LSR – Interreg Poctefa
• Lagin biologiko likidoak biltegiratzeko eta dispentsatzeko gailua
  LGMed – Interreg Poctefa
• Ehun adabaki edo mintz zelularizatua zabaltzeko gailu medikoa
  CardioPatch -  Interreg Sudoe
• Ehuna hazteko eta/edo heltzeko biorreaktore-kamera (aukerako biorreaktore dinamikoa)
  BRAV3 – H2020

Beste bi gailuak gastroenterologiaren eta medikuntza estetikoaren esparrukoak dira:

• Pazientearen larruazaletik ateratzen diren estomak babesteko eta konektatzeko gailua
  LGMed – Interreg Poctefa
• Gantz-ehuna prozesatzeko gailua eta metodoa
  Lipomodelaje - Euroregion

Zentro Teknologikoan azken urtean ezarritako transferentzia teknologikoko prozesu estandarizatuari esker, Leartikerreko ikertzaile-taldea irtenbide horiek merkatura eramateko ekintzak gauzatzen ari da, gizarteak berrikuntza eta aurrerapen horiek baliatu ditzan.