GAZTANOLA proiektuaren helburu nagusia, ebidentzia zientifikoak lortzeko ikerketa-jarduerak burutzea da, Euskadiko gaztagintza sektoreak Osasun Sailaren aurrean egurrezko apalak erabiltzeko salbuespena eskatzeko prozesuan, proiektuan lortutako emaitzak erabili ahal izan ditzan.

Ikerketa-jarduerak hiru talde handitan oinarritzen dira:

1) Analisi bibliografikoa: gazta urdinen eta pasta prentsatuen tradizionaltasuna frogatzen duten ebidentziak bilatzea.

2) Ikerketa mikrobiologikoa: egurrezko apalen elikagai-segurtasuna eta gaztarengan duen onura biobabeslea ikertzea.

3) Analisi sentsorialaren metodologia aplikatzea: egurrezko apalek gaztari tipikotasuna eta berezitasuna emanez, onura sentsorialak ematen dizkiotela ikertu asmoz.

• Leartiker

• Kolaborazioak:

• SOLOITZA GAZTANDEGIA (URRUELA SC)
• AMA TXO ENTIDAD TC
• Esnekigileen Euskal Elkartea (EEE)
• HAZI Fundazioa
• Elika Fundazioa

• Zaintza bibliografikoa burutzea, gazta urdin eta prentsatutako gaztak ezaugarri tradizionalak dituzten elikagaiak direla frogatzeko ebidentziak lortzeko azterketa burutzea.
• Gazta urdinak eta prentsatutako gazten afinazio lanetan erabiltzen diren egurrezko apalen kaltegabetasuna frogatu dezaketen ikerketa-jarduerak burutzea, plastikoa edo metala bezalako beste material batzuen aurrean.
• Egurrezko apalen erabilerak gazta urdin eta prentsatutako gaztetan, plastikoa edo metala bezalako beste material batzuen aldean onura dakarkiela frogatu eta justifika dezaketen ikerketa-jarduerak burutzea, bai ikuspegi mikrobiologikotik baita ikuspegi sentsorialetik ere.
• Ikerketa jarduera ezberdinetan izandako emaitzak jasotzen dituen dokumentazioa sortzea, Euskadiko gaztagintza sektoreak Osasun Sailaren aurrean egurrezko apalen erabilera burutu ahal izateko salbuespen eskaera prozesuan era praktikoan erabili ahal izango dena.
• Difusio-jarduerak burutzea, gaztagintza-sektoreari proiektuan lortutako emaitzak ezagutarazteko asmoz.