Fabrikazioko material osagarriak zati garrantzitsua dira infusio-prozesuaren bidez edo hutseko poltsaren bidez (autoklabean edo autoklabetik kanpo) egiten den konposite-pieza baten fabrikazioan. Zehazki, gainazaleko akabera soilik alde batetik duten pieza handiak, hala nola itsasontzien kaskoak edo pala eolikoak, infusio metodoaren bidez fabrikatzen dira, eta eskakizun handiagoko piezak, hala nola sektore aeroespazialekoak, hutseko poltsaren prozesuaren bidez. Material osagarri horiek hauek dira: hutseko poltsak, ehun aireztatzaileak, odoluste-mantak, peel ply, erretxina elikatzeko hodiak eta banaketa-sareak. Gaur egun, errausketa da hondakin horien helmuga nagusia.

IMPLICIT proiektuaren helburu nagusia ekonomia zirkularreko sistema bat ezartzea da. Sistema hori material osagarri horien birziklatze mekaniko, fisiko eta kimikoaren konbinaziotik abiatzen da, jatorrizko polimero ahalik eta puruenak lortzeko (batez ere polietilenoa: PE, polipropilenoa: PP, poliamida: PA eta poliesterra: PET). Ziklo hau ixteko, polimero horiek automobilgintzaren sektorean (pieza eta ehunen bidez) edo hiri-altzarien sektorera bideratuko dira. Modu honetan, baliabide fosilen kontsumoa murriztuko da: hornidura katearen epe luzeko jasangarritasuna mantenduz eta material horiek bizitza baliagarriaren amaieran ingurumenean duten eragin negatiboa murriztuz.

IMPLICIT proiektua lehikortasun handiko patzuergo batez osatuta dago, produktuaren balio kate osoa kontutan hartzen duena. 4 enpresak eta beste hainbeste zentro teknologikok osatzen dute:

• BIRZIPLASTIK
• FAPERIN
• INDUSTRIAS ALEGRE
• SOLTECO (líder del proyecto)
• AIMPLAS EURECAT
• TECNALIA
• LEARTIKER

• Automobilgintza eta altzarien sektoreetarako material osagarri birziklatuetan oinarritutako formulazioen garapena.
• Automobilgintzako eta altzarigintzako demostradoreen garapena eta baliozkotzea gidatzea.
• Garatutako demostradoreen ingurumen-inpaktua eta bideragarritasuna aztertzea
• Emaitzen komunikazioa, difusioa eta transferentzia