Garagardogintzako bagazotik abiatuta, osagai funtzional berriak garatzea du helburu egitasmo honek, hau da, bolumen handiko nekazaritzako elikagaien azpiproduktu batetik abiatuta, hartzidura solidoaren bidez produktu berriak garatzea. Prozedura honetan elikagaiaen nutrizio-profila eta profil funtzionala hobetu nahi dira — proteina bioeskuragarriak, zuntza eta konposatu bioaktiboak areagotuz —, okintza osasungarrian erabiltzeko.

Ekimenak bi aukerari erantzuten die: okin produktu osasungarriago eta jasangarriagoen eskaera gero eta handiagoa, eta artisau okintzaren eta craft garagardoaren tokiko gorakada Bizkaian, lurraldean duen eragina indartuz.

Osagai berritzaile, jasangarri eta teknologikoki bideragarri bat lortzea da espero den emaitza, osasun publikoarentzako eta tokiko nekazaritzako elikagaien sektorearen lehiakortasunarentzako lagungarri izango dena.

• Leartiker S.Coop

• Berrikuspen bibliografikoa: Azpiproduktuen hartzidurari, bagazoaren erabilerari eta okintzako formulazioei buruzko informazioa biltzea.
• Bagazoaren hartzidura: Mikroorganismoak hautatu eta haien propietateak hobetzeko baldintzak egokitu.
• Karakterizazioa: Hartzitutako bagazoaren parametro nutrizionalak, funtzionalak eta mikrobiologikoak aztertu.
• Okintzarako formulazioa: Bagazo hartzituarekin errezetak egiten eta planta pilotuan frogatu.
• Ebaluazio funtzionala: Digestibotasuna, bizitza baliagarria eta onarpen sentsoriala aztertu.
• Dibulgazioa eta transferentzia: Emaitzak partekatu eta industri-aplikazioa sustatu.