Inguruko abeltzainak biltzen dituen BEDARBIDE elkarteak urteak daramatza abeltzaintzako ustiategien errentagarritasuna hobetzeko lanean. Helburu bikoitza du: gaur egun jarduera horretan dihardutenen bideragarritasun ekonomikoa ziurtatzea eta etorkizuneko belaunaldientzat sektore sendo bat uztea. Horretarako, ekoizpen-kostuak murriztera eta merkaturatze-bide laburrak sustatzera bideratu dituzte beren ahaleginak, produktua zuzenean kontsumitzailearengana hurbilduz.

Hala ere, prozesu horretan oztopo handiei egin behar izan diete aurre, batez ere haragia eraldatzeko azpiegitura hurbilen faltari, eta horrek zaildu egin du tokiko kontsumoarekin konprometitutako eta harategietan egiten ziren haragi-produktu tradizionalen oroitzapenak dituzten kontsumitzaileen eskaerari erantzutea.

Gabezia hori gainditzeko, BEDARBIDEk BELARDI haragi eraldaketarako zentroaren sorrera bultzatu du (2024ko irailean inauguratu zen). Zentro horrek aldaketa nabarmena dakar tokiko elikadura ekosisteman, haragiaren balio katea osatzeko eta lehen bideragarriak ez ziren proiektuak berreskuratzeko aukera ematen baitu.

Proiektua eredu kooperatiboan oinarrituta garatzen da, honako hauen partaidetzarekin:

• BEDARBIDE Elkartea
• LEARTIKER KOOP. E.
• ATEZABAL koop.txikia
• Endika Ejejalde (abeltzaina eta harakina)

• BELARDI produktu-sorta berria identifikatzea eta definitzea
• Haragi-produktu berriak garatzea
• Produktuen kalitatea ebaluatzea eta baliozkotzea
• Proiektuaren difusioa eta komunikazioa