Proiektu honen helburu nagusia behi-esnea ekoizteko sisteman aldaketak ezartzea da. Horretarako, abereak maneiu mailan aldaketak barneratuko dira, abereen elikadura hobetzeko, eta higiene praktika egokiak erabiliko dira, kalitate handiko esne mikrobiologiko zein fisiko kimikoa lortzeko, eta azkenik esne hau gazta seguru eta kalitate sentsorial berezikoetan bihurtzeko. Azken finean, EAEko ustiategietan ekoiztutako behi-esnearen gaztarako gaitasun teknologikoa hobetzea. 

• Leartiker Esneki Zentroa 

• Neiker 

• Aitor Zapirain 

• Beñat Telleria 

• Ondazarte Gain S.L. 

• Urruela S.C. 

• Lankidetza-taldean parte hartzen duten abeltzaintza-etxeen abiapuntuko egoera eta maneiua ezaugarritzea, ekoitzitako esnearen kalitatea zehazten duten alderdiei dagokienez, eta arreta berezia jartzea abereen elikadurari eta praktika higieniko-sanitarioei (batez ere jezteari eta esnea kontserbatu eta manipulatzeari dagokienez). 
• Nutrizio-osaerari (hala nola mikrobiologikoari) dagokionez, alderdi defizitarioenen diagnostikoa egitea. 
• Hasierako informazio horretatik abiatuta, aziendaren erabileran eta elikaduran aldaketak proposatzea, epe laburragoan hobekuntzak lortzeko aukera ematen dutenak bereziki, eta ustiategiei horiek praktikan jartzeko aholkuak ematea. 
• Proiektuaren hasieran eta animalien maneiuan aldaketak sartu ondoren, ustiategietan ekoitzitako esnearen kalitate fisiko-kimikoa eta mikrobiologikoa aztertzea, elikagaien segurtasunaren eta gazta-teknologiaren ikuspegitik. Praktika berritzaileak ezartzeko prozesuan abeltzaintzan lortutako esnearen kalitatearen bilakaeraren monitorizazioa egingo da, jeztetako esnearen eta gazta egin behar denean esnearen laginak hartuz. 
• Gazta-sortak egitea propietate teknologiko hobetuak dituen esnearekin.