SUDOE eskualdeek gaixotasun kronikoen gaiari heltzeko erronka dute elkarrekin. Gaixotasun horien artean daude gaixotasun kardiobaskularrak (GKB), Europako heriotza eta gaixotzeen lehenengo kausa direnak. Miokardio-infartua (MI) da heriotza gehien sortzen duen GKB. Erronka honi heltzeko, irtenbide berriak garatu behar dira. SUDOE espazioan CARDIOPATCH bikaintasun-sarea lehenengoa izango da honako hauek egiten:

1) MIren tratamendurako terapia aurreratuaren eredu berritzaile bat garatzen: 3 produktutan oinarritutako terapia zelular birsortzaile bat: CARDIOPATCH zelulak birsortzeko adabakia, hori ekoitzi eta garraiatzeko 3D sistema, eta 3D gailua bihotzean, zauri txikiko kirurgiaren bidez, ezartzeko.

2) Eskualdeei osasun-sektoreen eta 3D inprimaketako sektoreen arteko sinergiak esploratzeko tresnak ematen, hala, osasunean espezializatzeko estrategia adimentsuagoak birdiseinatzeko eta MIren tratamenduaren inguruan politika publiko eguneratuagoak garatzeko.

• Nafarroako Unibertsitatea (NU)
• Medikuntza Aplikatuaren Ikerketarako Fundazioa (FIMA)
• Fundación Institut de Recerca de L’Hospital de Santa Creu I Sant Pau (FIRHSCSP)
• Biologia Esperimental eta Teknologikorako Erakundea (iBET-H&P)
• GUK Komunikazio Aholkularitza (GUK)
• Centre Hospitalier Universitaire de Toulouse (CHUT)
• Université de Montpellier (UM) – Institut des biomolécules Max Mousseron (IBMM)
• GenIbet Biopharmaceuticals S. A. (GENIBET)
• Leartiker S. Coop. (LEARTIKER)

• 3D sistema garatzea Cardiopatch adabaki zelularizatua kultibatzeko eta garraiatzeko. Kide klinikoekin (NU, CHUT, FIRHSCSP) elkarlanean, eskakizunak zehaztuko dira, eta ondoren, sistema diseinatu, fabrikatu eta baliozkotuko da.
• Adabakia ahalik eta zauri txikiena egiteko metodoen bidez ezartzeko tresna bat diseinatzea, garatzea eta fabrikatzea. Hala, infartua izan duen eremura iristeko torakotomia erabili beharrik ez izatea lortu nahi da.
• Gainera, garatutako mintzak ezaugarritzeko lanetan eta garatutako produktuen transferentzia eta ustiatzearen kudeaketan ere parte hartuko du.