Diseinatzeko fasetik amaierako ziklora arte ikuspegi ekologikoa eta zirkularra baliaturik, LEVIS proiektuak osagai eta/edo egitura arinak garatuko, egiaztatuko eta probatuko ditu ibilgailu elektrikoetarako. Aurreikusitako lorpenen artean nabarmentzen dira jasangarritasuna hobetzea, lehengaiak hobeto aprobetxatzea, energia- eta kostu-efizientzia, pisu arinagoa lortzea eta egituraren osotasuna eta fidagarritasuna areagotzea. LEVIS proiektuak aurreikusten du hainbat materialetako soluzioak baliatzea, zuntzekin indarturiko eta metalekin osaturiko konposite termoplastikoak erabiliz, zeinak fabrikazio-teknologia errentagarriak eta eskalagarriak baliatuz produzituko baitira. Proiektuaren onurak eta lehiakortasuna erakusteko, hiru kasu erreal baliatuko dira: suspentsioa kontrolatzeko beso bat, bateriari eusteko sorta bat eta ibilgailuetarako zehar-haga bat.

• Aragoiko Teknologia Institutua, Espainia
• Marelli Suspension Systems Italy SpA (MSS), Italia
• Mersen France Angers SAS (MERSEN), Frantzia
• Privé SRL (PRI), Italia
• Yesilova Holding AS (YOVA), Turkia
• Tofas Tu¨rk Otomobil Fabrikasi AS (TOFAS), Turkia
• Ipar-mendebaldeko Metalurgia Ikerketako Elkartea (AIMEN), Espainia
• Akitania Berriko Teknologia Zentroa, Konpositeak eta Material Aurreratuak (CANOE), Frantzia
• Leartiker Kooperatiba Elkartea (LEAR), Espainia
• Rise Sicomp AB (RISE), Suedia
• Energia Atomikoaren eta Energia Alternatiboen Komisariotza (CEA), Frantzia
• Stichting Cenex Nederland (CENEX NL), Herbehereak

Leartiker Teknologia Zentroak proiektu honetan izango dituen arduren artean nabarmentzen dira egitasmoaren barruan garatuko diren osagaien diseinu- eta fabrikazio-lanak, baita bateriaren moduluaren bastidorea fabrikatzea ere. Horretaz gainera, Leartikerrek proiektuko material eta prozesu berritzaileak garatzeko eta optimizatzeko jarduerak babestuko ditu.