Volkswagen Taldeak eta SEAT S.A. buru dituen Ibilgailu Elektriko-Konektatuarentzako Ekonomia Berreskuratu eta Eraldatzeko Proiektu Estrategikoak (PERTE VEC), Espainia ibilgailu elektrikoaren hub bihurtzeko asmo du Europan. Estatuko, nazioarteko eta hainbat sektoretako 62 enpresak osatuta, Espainiako automobilgintzaren historiako enpresa-talde handiena da. PERTE VEC lau ardatzek osatzen dute, eta, zehazki, Leartikerrek garatzen duen lehen mailako proiektua, Digitalizazioaren laugarren ardatzean txertatzen da; izan ere, Ibilgailu Elektriko-Konektatuaren (VEC) balio-kateko eragileen lehiakortasuna bultzatuko duten soluzio digitalak ikertzea du helburu.

Ibilgailu elektrikoaren balio-katerako soluzio digitalak ikertzea da Leartikerren eginkizun nagusia proiektu honen baitan. Zehazki, tresna digitalen eta karakterizazio mekaniko azeleratuko metodoen garapena eta inplementazioa ikertuko dira, ibilgailu elektriko-konektatuan aplikatzeko produktu polimerikoen azken portaera aurresateko eta iragarpenak indartzeko. Horrela, lortutako ikerketa-emaitzek ezagutza eskuratzeko eta transferitzeko balioko dute, etorkizuneko ibilgailuentzako propietate espezifikoak dituzten produktu polimerikoen garapen azkar eta zehatzari lotutako egungo erronkari erantzuteko.

• Leartiker
• Kautenik

Leartiker Zentro Teknologikoak proiektu honetan bere gain hartuko dituen erantzukizunen artean honako hauek daude:

• Ibilgailu Elektriko-Konektatuan aplikatzeko produktu polimerikoen errendimendua optimizatzeko biki digitaleko ereduak ikertzea.
• Material polimerikoen karakterizazio mekaniko azeleratuko metodo berriak garatzea.
• Baliozkotzeko lan-fluxu birtualen garapena eta inplementazioa osagai-mailan.

"Berreskurapen, Eraldaketa eta Erresilientzia Plana - Europar Batasunak finantzatua – NextGeneration EU"

"Plan de Recuperación, Transformación y Resiliencia - Financiado por la Unión Europea – NextGeneration EU"