Proiektu honen helburu nagusia beroaren bidez tratatutako behi-haragizko produktuen gama bat garatzea da, horretarako Eusko Label ziurtagiria duen haragia erabiliz eta nutrizio-profil hobetua duten ore finetan oinarrituz. Egitasmo honetan sortutako produktu-sortak, gaur egun merkatuan aurkitu daitekeen kategoria honetako produktu-eskaintzaren alternatiba bat bilakatuko da eta nutrizio-kalitateari, jatorriari eta iraunkortasunari lotuta kontsumitzaileek dituzten eskaerei erantzungo die.

Proiektuaren helburuko tekniko espezifikoak honexek dira: (1) kalitate sentsorial eta nutritibo gomendagarria duten produktu-lerro berri bat merkaturatzea; (2) Eusko Label ziurtatutako behi-haragiaren kopuru esanguratsua duten pasta finetan oinarritutako haragi-produktuen definizioa eta formulazioa; (3) gainerako osagaien formulazioa, haragizkoak ez diren osagai eta gehigarri gutxien dituen produktu bat lortzeko, koloratzaileak, usain artifizialak eta beste karga-agente batzuk ere saihestuz; (4) Produktu-kategoria honetan sartu ohi den animalia-koipearen frakzioa osorik edo partzialki ordezkatzeko alternatibak identifikatzea; (5) garatutako produktuen profil nutrizionala hobetzea, batez ere gantz-frakzioari dagokionez eta egun merkatuan dauden erreferentziekin alderatuz, ondorioz, etiketan mantenugai hori hobetzeko alegazioak egin ahal izateko; (6) produktu-gamaren garapen pilotua lortutako emaitzaren kalitatea ebaluatzeko; (7) kalitate sentsorialaren balidazioa (barnekoa eta kontsumitzailearena), salmenta-puntuan egindako dastaketen bitartez; eta, (8) garatutako produktuen ekoizpen-prozesua merkatura eskalatzea.

• Leartiker
• Okelgintza S.Coop
• Harakai S.Coop

• Proiektuaren kudeaketa eta koordinazioa
• Produktuen bibliografia eta formulazioaren azterketa
• Ore finetan oinarritutako prototipoen garapena
• Garatutako produktuen kalitatearen ebaluaketa
• OKELGINTZAren instalazioetan produktuaren eskalatzea egin